The Beach Boys (2012) | ||
Allgmeini Informatione | ||
Genre | Surf, Rock, Pop | |
---|---|---|
Gründig | 1961 | |
Website | www.thebeachboys.com | |
Gründungsmitglider | ||
Brian Wilson | ||
Gsang, Leadgitarre |
Carl Wilson († 1998) | |
Gsang, Schlaagzüüg |
Dennis Wilson († 1983) | |
Gsang |
Mike Love | |
Gsang, Rhythmusgitarre |
Alan Jardine | |
Aktuelli Bsetzig | ||
Gsang, Bass, Keyboard |
Brian Wilson | |
Gsang |
Mike Love | |
Gsang. Gitarre |
Alan Jardine | |
Gsang, Bass, Keyboards |
Bruce Johnston (1965–1972; ab 1979) | |
Gitarre |
David Lee Marks (1962–1963), (1998–2000; 2012) | |
Ehmaligi Mitglider | ||
Gitarre, Gsang |
Blondie Chaplin (1972–1973) | |
Schlaagzüüg, Gsang |
Ricky Fataar (1972–1974) | |
John Stamos (do und dört sit 1990) |
The Beach Boys si äini vo de erfolgriichste Rock-Bänds uf dr ganze Wält in de 1960er und früeje 1970er Joor gsi. D Brüeder Brian, Dennis und Carl Wilson, iire Gusää Mike Love und iire Schuelfründ Alan Jardine häi sä 1961 im kalifornische Hawthorne gründet. Bis in d Middi vo de 1960er Joor het d Bänd mit Surfmusik e hufe Erfolg in de Hitliste ghaa.
Bsundrigi Merkmol vo iirer Muusig si Melodie, wo in s Oor gönge, und e differenzierte Chorsatz, wo hüfig vierstimmig gsi isch, und Harmoniifolge, wo zum Däil ungwöönlig gsi si. Iiri Teggst si am Aafang mäistens über d Seensücht vo Tiineidscher gsi, won es hedonistischs und sorgefreis Lääbe häi welle, spööter häi si au ärnsthafteri und broblematischi Theme behandlet. Mit iirem experimentelle Album Pet Sounds, wo Fachzitschrifte wie Mojo[1] und Rolling Stone[2] zu de bedütendste Album in dr Gschicht vo dr Rockmuusig zele, und de Aarbede am Album Smile häi si die domoolige Strukture vo dr Rock- und Popmuusi ernöijeret und deren iiri musikalische Usdrucksmögligkäite erwiteret.
Wo iire Erfolg in de USA vo 1967 aa immer chliiner worde isch,[3] si si in Öiropa aber seer erfolgriich gsi, bis si 1974 mit em Album Endless Summer au dehäim in de Tscharts wider ufgstiige si. 1988 isch Kokomo wider uf en erste Blatz cho. D Grubbe isch über 50 Joor lang in de Top 40 vo de amerikanische Billboard-Charts verdräte gsi.[4]
1983 isch dr Dennis Wilson gstorbe und 1998 dr Carl Wilson. Die drei Gründigsmitgliider, wo no gläbt häi, häi sich drennt und jede isch mit ere äigene Begläitbänd uf Durnee gange. 2012 häi si zämme e nöis Studioalbum uusegee und si uf e langi Durnee um d Wält gange.
© MMXXIII Rich X Search. We shall prevail. All rights reserved. Rich X Search